លោកជំទាវ ស៊ិន សុខពន្លឺ

គណៈប្រឹក្សាជាន់ខ្ពស់

បទពិសោធន៍វិជ្ជាជីវៈ

លោកជំទាវ ស៊ិន សុខពន្លឺ បានចូលជាសមាជិកគណៈមេធាវីនៅខេត្ត QUÉBEC ប្រទេសកាណាដា។ មុនចូលបម្រើការងារនៅសិទ្ធិស័ក្តិ លោកជំទាវ ស៊ិន សុខពន្លឺ ធ្លាប់បម្រើការងារនៅការិយាល័យមេធាវី Guzun and Associates ប្រទេសកាណាដា។ លោកជំទាវ មានបទពិសោធន៍ជំនាញការពារក្នុងរឿងក្តីរដ្ឋប្បវេណី ពាណិជ្ជកម្ម និងព្រហ្មទណ្ឌ ព្រមទាំងរឿងក្តីរដ្ឋបាល។ លោកជំទាវ ក៏ធ្លាប់បម្រើការជាអ្នកបកប្រែក្នុងតុលាការនៅក្រសួងយុត្តិធម៌ ប្រទេសកាណាដាផងដែរ។ នៅពេលកំពុងបន្តការសិក្សាថ្នាក់បរិញ្ញាបត្រជាន់ខ្ពស់ លោកជំទាវ ធ្លាប់បានបំពេញមុខងារជាជំនួយការច្បាប់នៅការិយាល័យមេធាវី Grondin Savarese Legal Inc របស់លោកមេធាវី Paul-Matthieu Grondin ដែលជាប្រធានគណៈមេធាវីវ័យក្មេងទីក្រុងម៉ុងរ៉េអាល់ ។ បច្ចុប្បន្ន លោកជំទាវ ជារដ្ឋលេខាធិការ និងជានាយិកាខុទ្ទកាល័យរដ្ឋមន្រ្តីក្រសួងទេសចរណ៍។

ក្រៅពីភាសាខ្មែរ លោកជំទាវ និយាយភាសាបារាំង និងអង់គ្លេសបានល្អ ។

កម្រិតវប្បធម៌

សាលាបណ្តុះបណ្តាលវិជ្ជាជីវៈមេធាវី ខេត្ត QUÉBEC ប្រទេសកាណាដា (ឆ្នាំ២០១៣)
បរិញ្ញាបត្រជាន់ខ្ពស់នីតិជំនួញ សាកលវិទ្យាល័យម៉ុងរេអាល់ប្រទេសកាណាដា (ឆ្នាំ២០០៩)
បរិញ្ញបត្រជាន់ខ្ពស់នីតិជំនួញ សាកលវិទ្យាល័យហ្សង់មូឡាំងលីយ៉ុង៣ ប្រទេសបារាំង (ឆ្នាំ២០០៦)
បរិញ្ញាបត្រនីតិឯកជនសាកលវិទ្យាល័យលុយមីញែរលីយ៉ុង២ ប្រទេសបារាំង និង សាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច ប្រទេសកម្ពុជា (ឆ្នាំ២០០៤)