នីតិតវិធីនៃការលែងលះ ឬ ផ្តាច់អនីតិសង្វាស

នៅក្នុងសង្គមកម្ពុជាមានប្តីប្រពន្ធមួយចំនួន​បានរៀបការជាមួយគ្នាតាមប្រពៃណីមានសំបុត្រអាពាហ៍ពិពាហ៍

ប៉ុន្តែប្តីប្រពន្ធមួយចំនួនក៏មិនបានចុះសំបុត្រអាពាហ៍ពិពាហ៍ដែរ ដែលការរស់នៅជាមួយគ្នា នេះហៅថា អនីតិសង្វាស ប៉ុន្តែនៅពេលដែលពួកគាត់មិនអាចរួមរស់នៅជាមួយគ្នាបាន គាត់ត្រូវធ្វើដូចម្តេចខ្លះតាមនីតិវិធីច្បាប់ ដើម្បីសុំលែងលះ​ឬ ផ្តាច់អនីតិសង្វាស។

យោងតាម ក្រមរដ្ឋប្បវេណីកម្ពុជា បញ្ញត្តិមាត្រា ៩៥៥ បានចែងថា អាពាហ៍ពិពាហ៍នឹងមានអានុភាព ដោយការដាក់ពាក្យសុំរៀបអាពាហ៍ពិពាហ៍ ការជូនដំណឹងជាសាធារណៈ ការចុះកិច្ចសន្យាអាពាហ៍ពិពាហ៍ និងការ ចុះបញ្ជីនៅចំពោះមុខមន្រ្តីអត្រានុកូលដ្ឋាន។

តើអាចស្នើសុំលែងលះ ឬផ្តាច់អនីតិសង្វាសបានទេ?

ការលែងលះអនុវត្តចំពោះអាពាហ៍ពិពាហ៍ដែលមានសុពលភាពតាមច្បាប់។ បើមិនមានការចុះបញ្ជីអាពាហ៍

ពិពាហ៍ អ្នកទាំងពីរអាចមិនស្ថិតក្នុងនីតិវិធី លែងលះ ឬផ្តាច់អនីតិសង្វាសតាមផ្លូវតុលាការដូចប្ដី ប្រពន្ធស្របច្បាប់ទេ ប៉ុន្តែពួកគាត់អាចធ្វើកិច្ចព្រម ព្រៀងឈប់រស់នៅជាអនីតិសង្វាស ដោយមានការ​ផ្ដិតមេដៃដឹងឮដោយអាជ្ញាធរមូលដ្ឋាន (មេភូមិ ឬមេឃុំ/ចៅសង្កាត់) ឬ​ធ្វើឡើងដោយមានការដឹងឮពីមេធាវី ឬអ្នកច្បាប់។

​បន្ថែមពីនេះ ករណីមិនមានការត្រូវរ៉ូវគ្នាលើ ការកំណត់អំណាចមេបាលើកូន ការចូលជួប ប្រាស្រ័យទាក់ទង

កូន និងសោហ៊ុយ ចិញ្ចឹមបីបាច់រក្សាកូន ប្តីប្រពន្ធ ត្រូវដាក់ពាក្យសុំដីកាសម្រេចទៅតុលាការ យោងតាមបញ្ញត្តិនៃ ក្រមរដ្ឋប្បវេណី និង ច្បាប់ស្តីពីនីតិវិធីនៃរឿងក្តីរដ្ឋប្បវេណីដែលមិនមែនជាបណ្តឹង។ បន្ថែមពីនេះ ក្នុងករណីមានការបែងចែកទ្រព្យសម្បត្តិរួម ត្រូវវដាក់ពាក្យបណ្តឹងទាមទារបែងចែកទ្រព្យសម្បត្តិរួម ទៅតុលាការ។

សូមអរគុណ។